വിജയികൾക്കും സ്നേഹാദരമൊരുക്കി ഗ്രാമപഞ്ചായത്ത് പ്രസിഡൻ്റ്*

 *വിജയികൾക്കും സ്നേഹാദരമൊരുക്കി ഗ്രാമപഞ്ചായത്ത് പ്രസിഡൻ്റ്*

എ പ്ലസുകാർക്ക് മാത്രമല്ല; വാർഡിലെ മുഴുവൻ എസ് എസ് എൽ സി, ഹയർ സെക്കൻ്ററി വിജയികൾക്കും സ്നേഹാദരമൊരുക്കി ഗ്രാമപഞ്ചായത്ത് പ്രസിഡൻ്റ്

എസ് എസ് എൽ സി ,+2 പരീക്ഷ ഫലം പുറത്ത് വന്നതോടെ മുഴുവൻ വിഷയങ്ങൾക്കും എ പ്ലസ് നേടിയവരെ ആദരിക്കുന്ന തിരക്കിലാണ് ജനപ്രതിനിധികളും ക്ലബുകളും വിവിധ സംഘടനകളും കലാ,കായിക, സാംസ്കാരിക രംഗത്തുള്ളവരും.

 എന്നാൽ എപ്ലസുകാരെ മാത്രമല്ല, തൻ്റെ വാർഡിലെ

ഈ വർഷം എസ് എസ് എൽ സി, +2 പരീക്ഷ വിജയിച്ച മുഴുവനാളുകൾക്കും സ്നേഹാദരമൊരുക്കിയിരിക്കുകയാണ് കൊടിയത്തൂർ ഗ്രാമപഞ്ചായത്ത് പ്രസിഡൻ്റും രണ്ടാം വാർഡ് മെമ്പറുമായ ഷംലൂലത്ത്.

 ഒന്നും രണ്ടും പേർക്കല്ല വാർഡിലെ അറുപതോളം വിദ്യാർത്ഥികൾക്കാണ് ഇത്തരത്തിൽ ഉപഹാരം നൽകിയത്. 

 ഒരു മാർക്കിനും രണ്ട് മാർക്കിനുമെല്ലാം ഫുൾ എപ്ലസ് നഷ്ടപ്പെട്ട നിരവധി വിദ്യാർത്ഥികളുമുണ്ടന്ന് മനസിലാക്കിയാണ് വാർഡിലെ വിജയിച്ച മുഴുവൻ കുട്ടികൾക്കും ആദരവ് നൽകാൻ തന്നെ പ്രേരിപ്പിച്ചതെന്ന് ഷംലൂലത്ത് പറഞ്ഞു.

 കാരക്കുറ്റി സ്കൂൾ ഓഡിറ്റോറിയത്തിൽ നടന്ന പരിപാടി മുസ്ലിം ലീഗ് സംസ്ഥാന സെക്രട്ടറി സി.പി ചെറിയ മുഹമ്മദ് ഉദ്ഘാടനം ചെയ്തു. പരീക്ഷകൾ തോൽകാനുള്ളതല്ലന്നും വിജയിക്കാനുള്ളതാണന്നും അദ്ധേഹം പറഞ്ഞു. ഗ്രേഡിംഗ് സംവിധാനം സംസ്ഥാനത്ത് നടപ്പാക്കിയപ്പോൾ അതിൻ്റെ ഭാഗമാവാൻ കഴിഞ്ഞതിൽ ഏറെ അഭിമാനമുണ്ടന്നും അദ്ധേഹം പറഞ്ഞു.* ചടങ്ങിൽ സി.പി അസീസ് അധ്യക്ഷത വഹിച്ചു. വിദ്യാർത്ഥികൾക്കുള്ള ഉപഹാരങ്ങൾ വിശിഷ്ടാതിഥികൾ വിതരണം ചെയ്തു.

 ഗ്രാമ പഞ്ചായത്ത് വൈസ് പ്രസിഡൻ്റ് ഷിഹാബ് മാട്ടുമുറി, ബ്ലോക്ക് പഞ്ചായത്ത് സ്റ്റാൻ്റിംഗ് കമ്മറ്റി അധ്യക്ഷ എം.കെ നദീറ, പഞ്ചായത്തംഗങ്ങളായ ഫസൽ കൊടിയത്തൂർ, ടി.കെ അബൂബക്കർ, യു ഡി എഫ് നേതാക്കളായ എം.എ അബ്ദുറഹിമാൻ, എം.എ അബ്ദുൽ അസീസ് ആരിഫ്, അഹമ്മദ് വി,കെ കെ സി റഷീദ്, അഹമ്മദ് പി, അബ്ദുസ്സലാം, ആരിഫ് മുല്ലവീട്ടൽ അഹമ്മദ് കുട്ടി പൂളക്കത്തൊടി, മുഹ്സിൻ, തുടങ്ങിയവർ സംസാരിച്ചു.